الجنس : برجى : عدد المساهمات : 4674 تاريخ التسجيل : 16/11/2011 الساعة الان : العمر : 69 الموقع :
موضوع: كلاب الهاسكى معلومات وصور الأربعاء مارس 28, 2012 3:34 pm
كلاب الهاسكى [ندعوك للتسجيل في المنتدى أو التعريف بنفسك لمعاينة هذه الصورة] الهاسكى اتوجد فى الأصل مع الجماعة أصحابنا اللى فى سيبريا واللى كانوا بيستخدموه فى جر الزلاجات على الجليد ومن هناك راح على ألاسكا والهاسكى ليه قصة شهيرة فى ألاسكا فى سنة 1925 كان فى مرض أشبه بالوباء فى ألاسكا وناس كتير جالها الوباء ومكنش فيه أى وسيلة نقل عشان تنقل الدوا غير الهاسكى والهاسكى قام بدوره فى نقل الدوا على أكمل وجه فعشان كدة هم هناك بيحبوه حب غير طبيعى .. بيعتبروه جزء مهم جداً فى حياتهم لدرجة ان البعض بيبالغ شوية ويقول ان لولا الهاسكى كانت الحياة انتهت فى ألاسكا فى أوائل القرن اللى فات
بعد حادثة ألاسكا خدت كلاب الهاسكى شهرة كبيرة وبدأت تغزو البيوت الأوروبية والإعتقاد اللى كان سائد ان هو كلب محتاج يعيش طول السنة فى الثلوج بدأ يتلاشى شوية شوية
زاد الطلب على الهاسكى فى كل العالم من أمريكا لجنوب أفريقيا قعدوا فى الأول يدرسوه شوية بشوية عشان يعرفوا اذا كان فى أى تغييرات بتطرأ عليه لما يعيش فى المناطق الحارة
وطبعاً ملقوش أي تغييرات على الكلب فتوصلوا للنتيجة دى :
** كلاب الهاسكى لها قدرة فائقة على التكيف مع الجو المحيط بيها ** كلاب الهاسكى ليها القدرة انها تتحمل الأجواء الباردة فى درجات حرارة تحت الصفر وكذلك ليهم قدرة عموماً انهم يكيفوا درجة حرارة أجسامهم مع درجة حرارة البيئة المحيطة اياً كانت ( حتى لو بيئة حارة جداً )
نعم انه التكـــــــــــــــيف Adaption
هو دة كلمة السر [ندعوك للتسجيل في المنتدى أو التعريف بنفسك لمعاينة هذه الصورة] لو انت عايش فى دولة حارة فى الصيف و وبتفكر تجيب هاسكى بس قلقان شوية
اسمحلى أقولك متقلقش
بالعكس هتشوف ازاى هو بيتكيف مع الجو الحار أكتر حتى من بعض أنواع الكلاب التانية
لسة قلقان ؟
طيب خلينا كدة نمشى واحدة واحدة
هتقولى أصل الهاسكى شعره كثيف ...... طيب هو شعره اكثف ولا البيكينيز شعره أكثف ؟
هتقولى أصل عنده طبقتين فرو واحدة بتغطى الجلد و التانية فوقها ...... طيب عفواً ! انت متعرفش ان الجيرمن شيبرد معشوق الناس عنده طبقتين فرو برضه ؟؟
هتقولى أصل الجيرمن بيغير شعر فروته مرتين فى السنة فممكن يكون دة بيساعده يتحمل الحرارة .... طيب ما هو الهاسكى بيغير فروته مرتين فى السنة بنفس الشكل
ظلموك يا هاسكى وقالوا مبيستحملش الجو الحار
معلومات على الماشى
الهاسكى معروف انه من أنضف الكلاب بينضف نفسه لفترات طويلة زى القطط وبالتالى متلاقيش طالع منه أي روائح حتى لو نزل بحيرة طين بتلاقيه بعد ساعة منضف نفسه وبالتالى أغلب الناس اللى عندها هاسكى بتحَّـمى كلابها مرتين فى السنة بالكتير
جرو الهاسكى معروف على مستوى العالم انه دايماً أحلى جرو ( فى الشكل )
كلب الهاسكى بشوش جداً ولعبى و كلب أسرة ممتاز
وممكن يدرب على الشراسة بس محتاج تدريب من نوع خاص بس هو عموماً ميتقالش عليه كلب حراسة مميز
تدريب الهاسكى عموماً ممتع لأنه مش سهل ومش إعتيادى [ندعوك للتسجيل في المنتدى أو التعريف بنفسك لمعاينة هذه الصورة] أتمنى يكون الموضوع مفيد
ان شاء الله أضيف صور فى الموضوع قريب لجراء الهاسكى اللى عندى
عيون القلب كبار الشخصيات
الجنس : برجى : عدد المساهمات : 424 تاريخ التسجيل : 17/06/2012 الساعة الان :
موضوع: رد: كلاب الهاسكى معلومات وصور الأحد يونيو 17, 2012 2:52 pm
بارك الله فيك على الموضوع المميزجزاك الله خيراورزقك الفردوس الاعلى من الجنةلك مني كل الشكر والتقدير على جمال الرح الراقي والمميز
manar sinan عضو vip
الجنس : برجى : عدد المساهمات : 218 تاريخ التسجيل : 04/12/2012 الساعة الان :
موضوع: رد: كلاب الهاسكى معلومات وصور السبت ديسمبر 08, 2012 12:52 am
جزاك الله خير وبارك الله بحضرتك موضوع غايه في الجمال مشكور الجهد الراقي تقبل مروري