الدرس الاول دورة اشهار المواقع وجلب الزوار

بسم الله الرحمن الرحيم
[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم ورحمة الله وبركاته .. احبائي اعضائي

[ندعوك للتسجيل في المنتدى أو التعريف بنفسك لمعاينة هذه الصورة]

اليوم بمشيئة الله تعالي هقدملكم موضوع من اضخم الموضوعات عن تهيئة موقعك عبر محركات البحث باذن الله تعالي وجلب الاف الزوار

قبل البداية احب اقول ان نتيجة الشغل اللي هطبقة في الموضوع ده مش هتظهر قبل شهر
علي الاقل .. يعني تقدر تحكم علي النتيجة بعد شهر من دلوقتي لو كنت مطبق
كل حاجة صح فمتتخيلش ابدا ان الزوار هينزلوا عليك زي الرز من يوم وليله ..
وتقدر تتابع تريبك في اليكسا و عدد الصفحات اللي ارشفتها جووجل وتقدر تحدد
انت بتتقدم ولا زي مانت

ومعلش هتلاقوني برغي كتير لاني شارح بالتفصيل الممل لان الشرح ده موجه للمبتدئين اكتر .. ده غير اني بادئ من الصفر يعني للي هما لسه عاملين موقع جديد طازة واي كلام يسبقة علامة "-" ده بتبقي الاسئلة اللي انا بتوقعها واللي ممكن تيجي في بالكم اثناء الشرح ..

وده فهرس الموضوع باذن الله ..

1 ) اسرار تسجيل موقعك في جووجل ومحركات البحث الاخري في اقل من 24 ساعة

2 ) عمل السايت ماب لموقعك

3 ) انشاء ملف الروبتس (robots.txt).. وماهي عناكب البحث ؟؟

4 ) نبذه عن عن نظام عمل اليكسا وكيف يحسب ترتيب المواقع

5 ) كيفية عمل تولبار بأسم موقعك في اليكسا وتقديمه الي زوارك

6 )نبذه عن فكرة البيج رانك لجووجل و نظام عملها كيفية رفع هذا البيج رانك

7 ) اهمية عنوان الموقع و وصف الموقع والكلمات المفتاحية

8 ) بعض العمليات المهمة لاصحاب المنتديات

9 ) نصائح عامة مهمة جدا طبقها

10 ) اكثر من 3 الاف دليل موقع لاضافة موقعك بهم مع مثال لاضافة موقعك بواحد منهم

نبدأ الدرس الاول علي مشيئة الله ...

1 ) اسرار تسجيل موقعك في جووجل في اقل من 24 ساعة

طبعا اول شئ تفكر فيه وانت بتصمم موقعك هو الزوار .. ازاي اقدر اجيب الزوار .. ممكن تبدي تفكر في الاعلانات المدفوعة .. ممكن ليه لأ

ممكن تبتدي تشهره لاصحابك وقرايبك ... ممكن طبعا

بس مش دول كل حاجة .. حوار الاعلانات المدفوعة
رغم انه مكلف لكن نتايجة برضه مش قد كده .. بمعني ان الزوار اللي بيزوروا
موقعك نصهم تقريبا زوار غير مستهدفين

ونفس الحكاية لما تنشرة بين اصحابك
وقرايبك .. ناس كتير متعرفش من الاصل ايه المنتدي ده وناس تانية تري
المنتدي مجرد لعبه وتالتين يعملوا مشاركات مجامة عشانك .. هتلاقي منهم شغل بس برضه مش المطلوب

- امال ايه بقي يا عم الحج قارفنا ليه بكلامك ده ..

بص يا باشا دلوقتي طبعا مين مبيخشش علي جووجل كل يوم ..
وكام عمليه بحث بتعملها ؟؟

فعليك ان تتأكد افضل زوارك هم من محركات الحث .. لانهم الزوار المستهدفين
يعني لما يجي العضو بنفسه
يتعب نفسه ويعمل بحث في جووجل ويلاقي موقعك ويخش عليه و يلاقي الحاجة اللي
بيدور عليها واللي عملها البحث .. اظنه افضل من احنا نرغمة علي الدخول
بالبانرات والاعلانات الدعائية وغيره .. ده غير ان العضو ده هيجيلك تاني
بعد ما لقي الحاجة اللي عايزها في الاول

فبالتالي هدفك الاول لتجميع الزوار هو محركات البحث .. خلاص اتفقنا ؟؟

- ياعم اتفقنا ده انت رغاي اوي خلصنا بقي

طيب طيب حيلك عليا هنخش اهو في الموضوع

اي واحد صاحب موقع جديد واقتنع بفكره محركات البحث هيبتدي او حاجة يفكر ازاي يحط موقعه علي جووجل ويتمني انه يتحط باسرع سرعة

- برضه هيقرفنا تاني برغيه ده

انا هقولك ازاي تحطه في اقل من 24 ساعة .. وانت و مجهودك برضه ..

قبل اي حاجة نصيحة مهمة جدا ..

لا تستخدم ابدا رابط اضافة موقعك في جووجل ابدا اللي هو :

[ندعوك للتسجيل في المنتدى أو التعريف بنفسك لمعاينة هذا الرابط]

طبعا واحد هيسألني ويقولي لييه ؟؟

- اه ليه والنبي يا اونكل

في مرة جربت احط موقعي من هذا الرابط .. لا تتصورا كم انتظرت حتي وجدت موقعي علي جووجل اول مرة .. ياه حوالي 3 او 4 شهور

- يا ساتر ايه ياعم ده

فعلا ده اللي حصل معايا وحصل مع كل الناس وممكن توصل المدة كمان لستة اشهر

- طيب ايه الحل بقي ؟

الحل بسيط جدا .. هل سمعت ولو نبذة بسيطة عن جووجل بيج رانك ؟؟

- اه يعني .. بس ليه ؟؟

بص يا معلم دلوقتي سر وضع موقعك في
اقل من 24 ساعة علي جووجل وغيره من محركات البحث الاخري في البيج رانك هذا
.. فوضعك لرابط او وصلة لموقعك في اي موقع ذو بيج رانك اعلي من 5 او حتي 4
يجعل موقعك موجود في جووجل في اقل من 24 ساعة قد تزيد قليلا ..

- حيلك حيلك انا مش فاهم منك اي حاجة ..

الحوار بسيط جدا .. الاول نحمل التولبار بتاع جووجل اللي نقدر نعرف بيه البيج رانك لاي موقع

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

وخلي بالك اهم حاجة
هيظهرلك صفحة الـ setup للتولبار بعد التحميل وهيكون في خيار اسمه تمكين
الـ page rank لازم تضع امامه علامه عشان نقدر نحدد اي بيج رانك لاي موقع

وبعد التحميل التولبار بتاع جووجل هيبقي بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

- جميل نزلت التولبار بس انا مجرد بسمع عن البيج رانك ده يعني ايه هو اصلا ؟؟

بص مش لازم تفهم معناه دلوقتي ادام
هعرفك كل حاجة بالظبط ان شاء الله .. المهم دلوقتي انك بس تعرف تحدد البيج
رانك بتاع اي موقع .. وده سهل خالص

مثلا نفتح موقع زي الفيس بوك

[ندعوك للتسجيل في المنتدى أو التعريف بنفسك لمعاينة هذا الرابط]

ولما نفتح الموقع بص الصورة اللي جاية كده

[ندعوك للتسجيل في المنتدى أو التعريف بنفسك لمعاينة هذه الصورة]

زي ما شفت البيج رانك الخاص بالفيس بوك هو = 9

يعني البيج رانك موجودة في الحته الخضرا اللي عند الشريط وبمجرد انك تجيب عليها الماوس يعرفك الموقع ده بيج رانك كام ..

( ملاحظة : للحصول علي بيج رانك 9 اشبه بالخيال .. انا مش بهبط من معنوياتك لكن صعب جدا الحصول علي هذا البيج رانك .. )

ملاحظة اخري : هناك طريقة اسهل لمعرفة بيج رانك اي موقع عن طريق الدخول لهذا الموقع

[ندعوك للتسجيل في المنتدى أو التعريف بنفسك لمعاينة هذا الرابط]

وكتابة الموقع اللي عايز تعرف عنه البيج رانك

- جميل برضه .. استفادنا ايه بقي علي كده ؟؟

هعيد تاني واقول بكل هدوء .. دلوقتي
انت عرفت تحدد بيج رانك اي موقع .. طيب انت لو جيت دخلت علي موقع البيج
رانك بتاعه اعلي من 4 مثلا وجيت حطيت اللينك بتاعك في اي حته في الموقع ده
.. كده تبقي انت ضمنت ان شاء الله موقعك يبقي موجود علي صفحات جووجل في اقل
من 3 ايام بالكتير

- انت مش قلت 24 ساعة يا عم انت ؟؟

قلت طبعا بس انت وشطارتك

- ازاي يعني ؟؟

يعني دلوقتي اللي حط اللينك بتاعه
في موقع البيج رانك بتاعه 6 هيظهر قبل اللي حطه في بيج رانك 5 وهكذا وكلما
زادت عدد اللينكات في المواقع المختلفة كلما زادت سرعة وضع جووجل لموقعك
علي صفحاتها ده غير ان ليها فوائد كتير تانية هتعرفها ادام ان شاء الله

- جميل دلوقتي انا فهمتك بس ازاي بقي هحط لينك الموقع في اي من المواقع دي ؟؟

الموضوع مش الصعب .. تعالا معايا وهوريك خطوة خطوة ازاي تقدر تحط لينك موقعك في موقع ليه بيج رانك 4 مثلا

- واديني معاك اهو

دلوقتي احسن المواقع اللي تقدر
تذييل فيها اسم موقعك والرابط بتاع هي مواقع الـ Tutorials الاجنبية ودي
بتبقي مواقع فيها شروحات عن كل حاجة وكل البرامج والجرافيكس .. الخ
طب تعالا بقي نفتح جووجل

[ندعوك للتسجيل في المنتدى أو التعريف بنفسك لمعاينة هذا الرابط]

ونكتب مثلا php tutorials

هتظهرلك نتائج البحث .. انا اخترت الموقع ده علي سبيل المثال وليس الحصر
[ندعوك للتسجيل في المنتدى أو التعريف بنفسك لمعاينة هذا الرابط]

ودي صورته

.
[ندعوك للتسجيل في المنتدى أو التعريف بنفسك لمعاينة هذه الصورة]

ولو شفت البيج رانك بتاعه من جووجل تولبار هتلاقيه 4

طيب دلوقتي تعالا بمنتهي السهولة وخش علي اي درس تلاقيه

[ندعوك للتسجيل في المنتدى أو التعريف بنفسك لمعاينة هذه الصورة]

افتح الدرس اتفرج عليه وانزل تحت خالص هتلاقي Add Your Comment مجرد هتكتب اسمك وهنا متكتبش اسمك فعلا .. اكتب اسم موقعك ... مثال : 3arablink
اما بالنسبة للرابط فطبعا هتكتب رابط الموقع بتاعك .. وفي ال comment بتاعك تكتب اي كلمتين حلوين وتحط معاهم برضه لينك موقعك زي كده مثلا

this is wonderful tutorial .. i read it 3 times and get a fantastic results and sure i put a
copy of this lesson on my site here

[ندعوك للتسجيل في المنتدى أو التعريف بنفسك لمعاينة هذا الرابط] class="postlink" target="_blank" rel="nofollow">[ندعوك للتسجيل في المنتدى أو التعريف بنفسك لمعاينة هذا الرابط]

- بس انا لا قريت الموضوع ولا اعرف بيتكلم عن ايه ؟؟

مانت بقي خليك واد صايع كده عشان يبقي
الكلام جميل ... و خليك ذكي متكتبش رابط موقعك بس من غير اي كلام لانهم
ممكن يمسحوا الرابط اللي انت حطيته ويعتبروا مشاركتك دي سبام
ودي صورة توضح كل حاجة ومكان المشاركة وتكتب ايه بالظبط تاني

[ندعوك للتسجيل في المنتدى أو التعريف بنفسك لمعاينة هذه الصورة]

تمام كده يا معلم

- اه تمام

وللعلم ده برضه موقع للـ tutorials وده الموقع اللي انا اضفت فيه موقعي واللي ظهر في 3 ايام علي الرغم من انه بيج رانك 2 فقط
[ندعوك للتسجيل في المنتدى أو التعريف بنفسك لمعاينة هذا الرابط]

ومش هديلك الموقع وبس .. تعالا اوريك برضه بشكل مبسط اضافة موقعك فيه

[ندعوك للتسجيل في المنتدى أو التعريف بنفسك لمعاينة هذه الصورة]

يارب تكونوا فهمتوا قصدي

ومتسناش برضه دلائل المواقع المنتشرة .. ليها اهمية كبيرة جدا جدا .. حاول تحط موقعك في اكبر قدر من الدلائل

ملاحظة : اذهب الي الدرس الاخير لتحميل روابط لدلائل موقع تضف بهم موقعك

وللعلم ان المواقع الاجنبية دايما ليها الاسبقية في اي شيء .. يعني لو موقعك اجنبي هيظهر اسرع بالتأكيد

دلوقتي متقفش عند كده .. لأ خش علي
اكبر قدر من المواقع والدلائل البيج رانك بتاعها اعلي من 4 او حتي اعلي من 3
او انشاء الله 2 واعمل نفس الحركة اللي عملناها بأنك برضه تعمل بحث زي
ماعلمنا وتاخد اي موقع غير اللي عملناه .. ومتعملش كل اللينكات بتاعتك في
موقع واحد ابدا .. ممكن الموقع ده يكون بيمنع وضع وصلات لمواقع اخري في اي
تعليق وبيعتبره سبام .. خليهم في مواقع كتيرة .. فاضافة موقعك في المواقع
دي اولا هيخلي الموقع زي ما قلنا ينزل في جووجل بسرعة مش هتعدي ابدا ال 3
ايام باذن الله .. ثانيا ده بيعلي البيج رانك بتاعك انت اصلا والبيج رانك
ده حاجة مهمة جدا في تقييم المواقع وزي ما قولتلك هتعرف كل حاجة عنها
بالتفصيل في الدروس الجاية ان شاء الله

الحمد لله كده نبقي انتهينا من الدرس الاول حبايبي ..

بارك الله فيك
شكرا
موضوع رائع تسلم اديك
تحياتي

تسلم ايدك وجـــــــــــــــــــــــــــــــــــــزاك الله خيرا كثيرا ومنتظرين اعمالك القادمة

شكرا يعطك الف عااافيه

موضوع رائع تسلم اديك

الف شكر على مجهوود رااائع ومميز

الف شكر على التوااجد الرهييييب

ياتي التمميز داائما بعد حضورك