السلام عليكم ورحمة الله
المقادير
نص كيلو دقيق
2 ملعقة كبيرة سكر
نص م ص محسن خبز
2 م ص خميرة فورية
2 م ك زيت وممكن زبدة ع فكرة
ماء دافىء للعجن
بيضة وكيس فانيليا لدهان الوجه
الطريقة
هتحطى الدقيق والخميرة الجافة والمحسن مع بعض وتحطى عليهم الميه الدافية
واحدة واحد وتفضلى تعجنى كتير وتحطى ميه وتعجنى لغاية ماتبقى العجينة كورة
وبعد كده هتحطو معلقتين الزيت وتعجنو تانى
بس بصو عجينة العيش مش طرية اوى ولا ناشفة اوى
يعنى عاملة كده زى الحاجة الملصقة
يعنى العجينة مش ناشفة ولا طرية لدرجة ان العجين يطلع فى ايدك
اهم حاجة حتى بعد مالعجينة تبقى كورة تفضلى تعجنى فيها بايدك ده بيدى نتيجة حلوة اوى بعد كده
وكل ماتعجنى وتقرصى فيها هتبقى احلى وهتلاقى العجينة بقى لونها ابيض
تغطيها وتدخليها فرن البوتاجاز تخمر لمدة ساعتين او اكتر وكل ماسبتيها تخمر كل مابقى احسن
هوريكم الخطوات دى بالصور
هنا خلطت المقادير الجافة مع بعض وحطيت عليهم الميه
العيش الفينو للمبتدئات من مطبخى
ده كنت خلصت عجن وخلاص هسيبها تخمر
العيش الفينو للمبتدئات من مطبخى
هنا بعد ماالعجينة خمرت
العيش الفينو للمبتدئات من مطبخى
بعد كده اخد جزء من العجينة افرده بالنشابه
العيش الفينو للمبتدئات من مطبخى
والفه رول
العيش الفينو للمبتدئات من مطبخى
واحطه فى الصينية وهكذا كل العجينة وارصهم فى الصينية اسيبهم يخمروا
بعد كده اعمل فيهم فتحات بالسكينة وادهن الوش بالبيض والفانيليا واحط عليهم سمسم او حبة البركة
العيش الفينو للمبتدئات من مطبخى
وتدخليه فرن البوتاجاز على حرارة 200
وتحطى فوق النار صينية فيها ميه عشان الحاجة متتلسعش منك وتوزع الهوا فى الفرن وتطفى لما الوش يحمر
فضل منك عجينة ومش عايزة تعمليها عيش
نعملها سندويتش عجوة او جبنة او مربى او اى حاجة احنا بنحبها
ناخد الجزء ده ونفرده ونحشيه
زى كده
العيش الفينو للمبتدئات من مطبخى
العيش الفينو للمبتدئات من مطبخى
وده العيش لما طلع
العيش الفينو للمبتدئات من مطبخى
العيش الفينو للمبتدئات من مطبخى
شوفى طرى وهش ازاى من جوة
العيش الفينو للمبتدئات من مطبخى
وده سندويتش العجوة لما طلع
الخميس يناير 17, 2013 12:46 am
