طريقه مجربه لفطام طفلك

بسم الله الرحمن الرحيم

السلام عليكم ورحمة الله وبركاته

الفطاااااااااااااااااااااام

ابني عنده سن وخمسة شهور اول لما اتولد

الدكتور كان قال لي اني ارضعه صناعي لاني مكنتش عارفه ارضعه طبيعي لاني كنت والده قيصري

غير كده بغض النظر عن اهمية الرضاعة الطبيعي الا ان تكلفة الصناعي بتعدي ال 80 جنيه في الاسبوع تمن علبتين لبن فى الاسبوع
المهم انا قررت وقلت لا لابد ولازمن وحتما طبيعى
وتكلت على الله وبات فى الرضاعة الطبيعى والحمد لله ربنا وفقنى بس
للاسف معرفتش انظم الرضاعة خالص
كان ابنى كل ربع ساعة رضاعة وواخدج صدرى تيتينة

المهم عدى الحال لغاية اما ابنى بقا عندو سنة
ورحت لدكتورة وقالتلى على افضل حل فى الرضاعة والتغذية والفطام وكل حاجة
قالتلى ان ارضاعة بالنسبة للطفل بعد السنة ماهيا الا عامل نفسى
لكن مش بتفيدوا
قالتلى اهم حاجة انك تعملى اية بقا وهوا اول هام فى موضوعنا
الفطام بالنهار
وان الرضاعة تكون باليل فقط
وهوا دة الفطام التدريجى

كان ابنى كل ما يعيط الهية انزل بية الشارع اوقفة فى البلكونة اشغلة اعلانات
واول ما يصحى ويعيط عشان يرضع افوقة واغسلة وشوا والعبوا وينسى
واقعد العب فية عشان يجى على العصر ينام من غير رضاعة والحمد لله
فضلت على الحال دة اكتر من 3 شهور
المهم

جيت بقا من كام يوم قررت خلاص افطمة بعد ما كل اللى حوليا احبطونى وقالولى هتشوفى ايام سودة

اتكلت على الله
واخدت ابنى ليلتها ودهنت صدرى بن
قرف من شكلة وطعمة
وابوة خدوا ودخل اوضة تانية وربع ساعة كان نام
وكان لما يصحى بليل كنت اهشكة شوية واشربة ماية فضل على الحال دة 3 ايام

والحمد لله عدت على خير

نيجى لتانى حاجة بقا الا وهى
الم الصدر

والله يا بنات مفعول الفطام التدريجى فى الم الصدر وهم
والله ولا فية اى الم لان بفضل الله انتى بتفطمى تدريجى اللبن بيقل تدريجى والله العظيم ولا بيكون فية اى الم لان اللبن الحمد لله بيكون قل خالص

فية بقا دكتورة كانت قايلة انى اخد مضاد حيوى قبل الفطام باسبوعين عشان اللبن يقل
ودى قريبتى مجرباها والحمد لله نفعت معاها اوى
وفية ناس بتقول تلفى على صدرك ورق كرنب بينشف اللبن اوى
والله يا بنات الفطام التدريجى بيسهل اوووووووووووووووووووى
يلة بقا عاوزة احلى دعوة

منقول للمنفعه العامه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]